Nos centros do Grupo ESCI entendemos a calidade como un compromiso permanente coa mellora continua e coa satisfacción das familias, do alumnado e de toda a comunidade educativa. O noso Sistema de Xestión da Calidade (SXC) orienta a organización cara á excelencia, asegurando que cada proceso educativo e cada decisión contribúan ao mellor funcionamento do centro.

O SXC baséase na Norma UNE‑EN ISO 9001:2015 e aplícase en todos os colexios que forman parte do grupo, respectando un modelo común e permitindo ao mesmo tempo a adaptación á realidade de cada centro. Esta estrutura compartida garante coherencia institucional e, á vez, flexibilidade para responder ás necesidades específicas de cada comunidade educativa.

O sistema organiza a actividade en procesos estratéxicos, clave e de soporte, que permiten planificar, desenvolver e avaliar de forma ordenada todas as accións vinculadas ao ensino e á aprendizaxe. Cada curso realízase unha revisión completa do funcionamento do SXC a partir dos informes dos centros e da análise do equipo ESCI. Deste proceso xorde o Plan Anual ESCI, que marca as liñas de mellora e os obxectivos comúns para o novo curso, posteriormente adaptados por cada colexio no seu propio plan anual.

Este enfoque garante unha xestión rigorosa, transparente e orientada ao progreso constante. O noso obxectivo é ofrecer unha educación integral de calidade, apoiada en procesos sólidos, avaliacións periódicas e unha cultura compartida de mellora continua que fortalece o proxecto educativo salesiano.

ATENCIÓN A PROVEEDORES:

O noso centro, en cumprimento do punto 8.4.3.e) da ISO 9001:2015, avalía os seus provedores con valores entre 1 e 5 nos seguintes criterios:

1. Calidade do subministro (40%). Mide o nivel de cumprimento por parte do provedor das especificacións definidas polo colexio (ata que punto subministrou exactamente o material ou o servizo solicitado e se cumpre cos estándares de calidade esixidos). Débense ter en conta os resultados dos controis de recepción e as posibles incidencias que o produto subministrado puidese xerar ao ser utilizado polo colexio.
2. Prazos de entrega (20%). Mide o grao de cumprimento por parte do provedor dos prazos de entrega fixados. Este criterio é importante nalgúns casos, porque un atraso na entrega dunha materia prima pode paralizar o proceso produtivo.
3. Flexibilidade (20%). Reflicte o grao de adaptación do provedor ás necesidades da empresa. Por exemplo, a capacidade de reacción ante un pedido urxente non previsto, ou a modificación (ampliación, redución) dun pedido no caso de ser necesario.
4. Fiabilidade (10%). Valora a relación administrativa co provedor: a calidade das súas ofertas, a fiabilidade dos seus albarás e facturas, o cumprimento dos prazos na facturación, a xestión de reclamacións ou modificacións de pedidos ou prazos de pago, etc.
5. Competitividade (10%). Valora a relación calidade/prezo do provedor.