A Escola Salesiana basea a súa proposta educativa nas seguintes propostas e criterios:

• É unha escola popular, libre e aberta a todas as clases sociais.
• Coloca ao alumno no centro do feito educativo .
• “Educa evanxelizando e evanxeliza educando”.
• Preséntase como familia educadora.
• Pon de relevo a personalización das relacións educativas.
• Quere responder ás necesidades da zona.
• Promove a solidariedade cos necesitados.
• Fai realidade a participación corresponsable.
• Acóllese ao financiamento público para facilitar a gratuidade.

Consideramos a escola como lugar privilexiado para a educación integral da persoa en todas as súas dimensións de acordo cunha visión humana e cristiá da vida. En consecuencia, axudamos ós nosos alumnos e alumnas a:

• Descubrir e potenciar as súas capacidades:
  • Físicas (motricidade, habilidades sensoriais, expresión corporal, cultura física e deportiva).
  • Afectivas (autoestima, relacións interpersoais, madurez afectiva).
  • Intelectuais (memorización, análise, síntese, relación, sensibilidade estética, creatividade, …).
• Desenvolver a súa dimensión socio-política (familia, lectura, e comprensión da realidade social, sociedade intercultural, sensibilidade social, sentido do
  traballo, cooperación, traballo, traballo en equipo, solidariedade, actitude de servizo…)
• Desenvolver o seu sentido ético e transcendente mediante o cultivo de actitudes, e a adquisición de valores desde o coñecemento e a vivencia da
  mensaxe de Xesucristo.
• Descubrir o propio proxecto de vida, mediante un ambiente educativo axeitado no que cada alumno e alumna atopen elementos que lles axuden a
  definir o seu estado de vida, o traballo ou profesión, a opción sociopolítica e a súa opción relixiosa.

A Escola Salesiana desenvolve a súa labor educativa co espírito e o método de Don Bosco caracterizado por:

• O criterio preventivo.
• O ambiente educativo.
• A relación educativa persoal.
• A “ presenza- asistencia” animadora dos educadores.
• A oferta respectuosa dunha experiencia de fe.
• As propostas de compromiso cristián.

Don Bosco, co seu Sistema Preventivo, realiza unha achega orixinal á acción educativa; “este sistema baséase plenamente na razón, na relixión e no amor”.

• Desde a razón: valoramos a persoa, a vida, as realidades terreais e o esforzo humano desde unha actitude positiva.
• Desde a relixión: actuamos con respecto, favorecemos o encontro con Deus, acollemos o ben e a verdade que latexa en cada un…
• Desde o amor: acollemos incondicionalmente a todos, facemos propostas educativas, traducimos o amor en signos visibles, nun ambiente de ledicia.

Comprometémonos na construción e maduración da Comunidade Educativopastoral:

• Comunidade, porque implica, en clima de familia, ao alumnado, ás familias e aos educadores.
• Educativa, porque axuda a madurar a cada un dos seus membros.
• Pastoral, porque acompaña cara o encontro con Cristo.

O traballo dos profesores e profesoras desenvólvese na Comunidade Educativo-Pastoral. A súa palabra, testemuño, alento, axuda, consello, corrección amigable e experiencia son claves no desenvolvemento do proceso educativo. Entre os trazos máis significativos do profesorado da nosa escola destacamos:

• A profesionalidade.
• A coherencia persoal.
• A actitude educativa e a sensibilidade pola condición xuvenil.
• Unha forte simpatía cara a San Xoán Bosco.
• A capacidade de educar desde o positivo.
• A apertura á transcendencia.

Os profesores e profesoras da nosa escola:

• Son ante todo educadores.
• Establecen unha relación franca e de colaboración cos compañeiros e compañeiras.
• Están no medio dos mozos cunha presenza activa e amigable.
• Desempeñan un papel decisivo na aplicación e avaliación do proxecto educativo.
• Corresponsabilízanse activamente na xestión do centro.