O pasado xoves, á volta do entroido, os nenos e nenas de 3° EP tivemos a saída que estabamos a esperar con moita ilusión. Visitamos a granxa escola Serantellos, na casa salesiana de Castrelo-Cambados. Despois da viaxe en bus, puidemos repoñer forzas coa merenda de media mañá. A continuación, dividíronnos en grupos, coñecemos as normas da granxa e comezamos os distintos talleres. Tivemos a oportunidade de coñecer, tocar e alimentar os distintos tipos de animais (distintos tipos de aves, ovellas, vacas, porcos, coellos…), de coñecer os distintos grans e sementes e como se moen e puidemos facer o noso propio pan! E por suposto, houbo tempo para unha rica comida e un tempo de xogo nas súas grandes instalacións. Aínda que cansos, finalizamos o día moi felices e cheos de aprendizaxes e momentos divertidos cos compañeiros.
