O alumnado de 1º de Bacharelato participou con grande entusiasmo e talento na nova edición do concurso Rec Curta, unha iniciativa promovida por Escolas Católicas que ten como obxectivo fomentar a creatividade, o traballo en equipo e a expresión audiovisual do alumnado de centros educativos de toda Galicia. O certame convida a reflexionar sobre valores humanos e sociais a través da creación de curtametraxes orixinais.
O noso centro presentouse con dúas pezas moi especiais:
“Quérote, avoa”, unha curta que pon o foco na importancia de dedicar tempo e coidado ás persoas que queremos, especialmente ás maiores.
“Theraphosidade”, unha proposta visual e simbólica que reivindica o valor da perseveranza e a disciplina como camiño para acadar os soños.
O excelente traballo do noso alumnado foi recoñecido cun total de cinco premios entre os que destacan as seguintes categorías:
🎬 Mellores efectos especiais e maquillaxe
🎭 Mellor actor principal
👥 Mellor actuación feminina grupal
🌿 Mellores espazos exteriores
Desde o centro queremos felicitar todo o grupo polo seu esforzo, creatividade e compromiso. Estes recoñecementos son o reflexo dun traballo ben feito e dunha aposta pola arte como ferramenta educativa.
