O alumnado de ESO e Bacharelato foi invitado pola AMPA a coñecer o traballo levado a cabo polos profesionais do Instituto Oceanográfico da nosa cidade. Unha xornada de divulgación da investigación mariña na que foron moitos os coñecementos transmitidos!
A importancia de coñecer os movementos das masas de auga na distribución dos organismos, a súa relación co clima, modelos de predicción empregados, o fenómeno das mareas, a importancia do plancton, os mostreos biolóxicos nos laboratorios de pesca… Unha morea de curiosidades que encantaron ás familias visitantes!
