O mércores 22 de maio, os nenos e nenas de 1º a 5º de primaria tivemos a saída do itinerario celebrativo, e gozamos dun día de convivencia en Santiago de Compostela.
Pola mañá, os nenos de 1º e 2º, por medio do conto de Sar, Sarela e os monstros de Compostela, buscamos distintas gárgolas pola zona vella de Santiago. Os nenos e nenas de 3º e 4º, co conto Unha vaca marela por Compostela, coñecimos as prazas históricas da cidade. E os nenos e nenas de 5º, convertidos en peregríns, fixemos o último tramiño do Camiño de Santiago, dende a entrada da Cidade ata chegar á Catedral, onde realizamos unha pequena visita.
Todos xuntos recuperamos forzas no pazo dos Salesianos e desfrutamos dun tempo de xogo no seus fermosos xardíns.
Para rematar o día, cada grupo tivemos a nosa celebración de acción de grazas. Demos grazas polos nosos compañeiros e compañeiras e por poder compartir con eles cada día e en especial esta fermosa xornada de convivencia.
